Onkoginekoloq Könül Mərdanova

Əvvəlcə detallı vajinal müayinə aparılır və uşaqlıq boynundan BRAŞ fırçaları vasitəsi ilə yaxma götürülür. Bu prosedur müayinə zamanı rahat olduğunuz müddətdə ağrısız bir prosedurdur. Uşaqlıq boynu xərçənginin skrininqi PAP smear / və ya HPV testingi ilə aparılır. Əgər aparılmış PAP smear testinin nəticəsi anormaldırsa, nə etməliyəm? Nəticənizi gətirərək birbaşa Onkoginekoloqa müraciət etməyiniz məsləhətdir.

Kolposkopiya uşaqlıq boynunun, uşaqlıq yolunun və xarici tənasül orqanlarının proflaktik müayinəsi məqsədilə və yaxud da anormal PAP smear nəticələri olan xəstələrə və yaxud da ki, HPV testdə, HPV aşkarlanan xanımlara aparılan instirumental müayinə metodudur. Ginekoloji müayinə zamanı ginekoloji masada aparılan ağrısız bir müayinə metodudur. Uşaqlıq boynu xüsusi məhlullarla işləndikdən sonra xüsusi mikroskop vasitəsi ilə uşaqlıq boynu detallı olaraq, böyüdülərək müayinə olunur. Lazım olduqda uşaqlıq boynundan- serviksdən eyni vaxtdan biopsi alınır.

Əziz xanımlar, bildirmək istəyirəm ki, bu cür hallarda yaş çox önəmli faktordur. Daha erkən yaşlarda uşaqlığı götürülən xanımlar digərlərinə nisbətən bu kimi əlamətləri daha çox hiss edə bilərlər. Yalnız çox tez-tez vurğuladığım bir məsələni yenidən bildirmək istəyirəm. Hər kəz ilə özünüzü eyniləşdirməyin. Çünki hər insan fərqlidir və hər bir orqanizm özünəməxsusdur. Klimakterik əlamətlərin dərəcəsi qadının yaşından, çəkisindən və ən əsasə keçirdiyi həyat tərzindən asılıdır. Elə bu səbəbdən həkim müayinəsi mütləqdir.

Vulvada qara ləkə varsa, unun yeni olub-olmaması dəqiqləşdirilməlidir. Əgər bu ləkə yeni yaranıbsa, onkoginekoloqun müayinəsi vacibdir

Ümumiyyətlə xərçəng xəstələrində çəki itirmə ola bilər. Digər xərçənglərə (mədə-bağırsaq, ağrciyər və s.) görə ginekoloji xərçənglərdə arıqlama özünü daha gec biruzə verir.

Kimyaterapiyanın ən çox görülən yan təsirləri ürək-damar sistemində pozulmalar, yorğunluq, dəri rəngində dəyişikliklər, sinir sistemində pozulmalar, aşağı və yuxarı ətraflarda ağrı, barmaqlarda keyləşmə, sidik ifrazı zamanı sistit əlamətləri, qadınlarda cinsiyyət dodaqlarında teleangioektaziyalar (damar torlari) kimi özünü biruzə verə bilər.

Onkoginekolgiya qadınlarda uşaqlıq ilə əlaqəli xərçəng və xərçəng öncəsi lezyonlarla məşğul olan bir tibb sahəsidir. Onkoginekoloqlar, diaqnoz qoyulduğu andan etibarən ginekoloji xəstəliyi və ya yumurtalıq, uşaqlıq boynu, vulva xərçəngi və s. olanqadınlar üçün əməliyyat və kimyəviterapiya, və ya digər müalicələri həyata keçirərək, onları sağlamlıqlarına qovuşdururlar.